0
Shares
धनगढी — प्रधानमन्त्री केपी शर्मा ओलीको स्वागतका लागि चिसापानी जाँदै गर्दा मंगलबार दिउँसो सुदूरपश्चिम प्रदेशका दुई मन्त्री चढेका गाडी आपसमा ठोक्किएर दुर्घटना भएको छ ।
भौतिकमन्त्री सुरेन्द्रबहादुर पाल चढेको गाडी र कानुनमन्त्री हीरा सार्की चढेको गाडी लम्कीमा ठोक्किएको कैलाली प्रहरीले जनाएको छ । मन्त्री सार्की से.१ झ ३३० नम्बरको गाडीमा र पाल बा.२ झ १४१९ नम्बरको गाडीमा सवार थिए ।
भौतिकमन्त्री सुरेन्द्रबहादुर पाल चढेको गाडी
दुवै गाडी क्षतिग्रस्त भए पनि गाडीमा रहेका मन्त्रीसहित सबैको अवस्था सामान्य रहेको कैलाली प्रहरी प्रवक्ता राजकुमार सिंहले बताएका छन् ।
प्रधानमन्त्री ओली कैलालीको जानकी गाउँपालिका–कटासेमा निर्माण सम्पन्न जलविद्युत् आयोजनाको उद्घाटनका लागि पुगेका हुन् ।
